yun daraKHton ki hai bhar-mar parinde nahin hain

yuuñ daraḳhtoñ kī hai bhar-mār parinde nahīñ haiñ

kahā jaatā hai ki us paar parinde nahīñ haiñ

jo parinda hai vo thak haar ke baiThā huā hai

aur jo uḌne ko haiñ tayyār parinde nahīñ haiñ

shāḳh-e-jamhūr pe imroz jo qābiz haiñ yahāñ

billiyāñ haiñ vo ḳhabar-dār parinde nahīñ haiñ

aa rahe haiñ nā kahā nā ki haiñ raste meñ abhī

ham bhī insān hī haiñ yaar parinde nahīñ haiñ

chug rahe haiñ kisī pardes meñ dāna-dunkā

mausam-e-gul meñ bhī is baar parinde nahīñ haiñ

tujh samā.at kī muñDeroñ pe chahakte lekin

mere ash.ār haiñ ash.ār parinde nahīñ haiñ

baḌī āsānī se uf daam meñ aa jaate haiñ ye

bāġh-e-dil meñ mire hushyār parinde nahīñ haiñ

yun daraKHton ki hai bhar-mar parinde nahin hain

kaha jata hai ki us par parinde nahin hain

jo parinda hai wo thak haar ke baiTha hua hai

aur jo uDne ko hain tayyar parinde nahin hain

shaKH-e-jamhur pe imroz jo qabiz hain yahan

billiyan hain wo KHabar-dar parinde nahin hain

aa rahe hain na kaha na ki hain raste mein abhi

hum bhi insan hi hain yar parinde nahin hain

chug rahe hain kisi pardes mein dana-dunka

mausam-e-gul mein bhi is bar parinde nahin hain

tujh samaat ki munDeron pe chahakte lekin

mere ashaar hain ashaar parinde nahin hain

baDi aasani se uf dam mein aa jate hain ye

bagh-e-dil mein mere hushyar parinde nahin hain