yun ghamon se najat paun kya

yuuñ ġhamoñ se najāt pā.ūñ kyā

terī furqat meñ mar hī jā.ūñ kyā

shirk-o-bid’at meñ Duub jā.ūñ kyā

har kisī dar pe sar jhukā.ūñ kyā

jhuuT kahtā nahīñ huuñ maiñ jānam

aap ko yuuñ yaqīñ dilā.ūñ kyā

aap hī aap haiñ base is meñ

apnā dil chiir kar dikhā.ūñ kyā

muskurā.ūñ nahīñ to tum hī kaho

ashk zaḳhmoñ pe maiñ bahā.ūñ kyā

jiit paayā nahīñ tumhārā dil

hausla ab maiñ haar jā.ūñ kyā

aap āsāñ safar samajhte haiñ

aable paañv ke dikhā.ūñ kyā

ye qalam kyoñ 'asar' nahīñ chaltā

is ko ḳhūn-e-jigar pilā.ūñ kyā

yun ghamon se najat paun kya

teri furqat mein mar hi jaun kya

shirk-o-bid’at mein Dub jaun kya

har kisi dar pe sar jhukaun kya

jhuT kahta nahin hun main jaanam

aap ko yun yaqin dilaun kya

aap hi aap hain base is mein

apna dil chir kar dikhaun kya

muskuraun nahin to tum hi kaho

ashk zaKHmon pe main bahaun kya

jit paya nahin tumhaara dil

hausla ab main haar jaun kya

aap aasan safar samajhte hain

aable panw ke dikhaun kya

ye qalam kyon 'asar' nahin chalta

is ko KHun-e-jigar pilaun kya