yun hain KHayal-e-yar pe iqan kiye hue

yuuñ haiñ ḳhayāl-e-yār pe īqāñ kiye hue

kuchh qurbatoñ kī yaad ko mehmāñ kiye hue

lagte haiñ mere dost ba-zāhir to pur-ḳhulūs

par buġhz dil meñ rakhte haiñ pinhāñ kiye hue

ab chehre ke nuqūsh mujhe yaad tak nahīñ

''muddat huī hai yaar ko mehmāñ kiye hue''

kore varaq haiñ ziist ke be-rang zindagī

'arsa huā kitāb ko 'unvāñ kiye hue

phailegī is jigar ke lahū se hī raushnī

baiThe haiñ rahguzar pe charāġhāñ kiye hue

lafzoñ ke ābshār meñ bahne lage haiñ ġham

do bol pyaar ke mujhe farhāñ kiye hue

aa jā.iye ki dard bhī kuchh intihā kā hai

muddat huī hai dard kā darmāñ kiye hue

baiThe haiñ aas meñ hai shafā'at kā aasrā

aur āḳhirat kā ham nahīñ sāmāñ kiye hue

yun hain KHayal-e-yar pe iqan kiye hue

kuchh qurbaton ki yaad ko mehman kiye hue

lagte hain mere dost ba-zahir to pur-KHulus

par bughz dil mein rakhte hain pinhan kiye hue

ab chehre ke nuqush mujhe yaad tak nahin

muddat hui hai yar ko mehman kiye hue

kore waraq hain zist ke be-rang zindagi

'arsa hua kitab ko 'unwan kiye hue

phailegi is jigar ke lahu se hi raushni

baiThe hain rahguzar pe charaghan kiye hue

lafzon ke aabshaar mein bahne lage hain gham

do bol pyar ke mujhe farhan kiye hue

aa jaiye ki dard bhi kuchh intiha ka hai

muddat hui hai dard ka darman kiye hue

baiThe hain aas mein hai shafa'at ka aasra

aur aaKHirat ka hum nahin saman kiye hue