yun hirasan us ka dil hai doston ke darmiyan

yuuñ hirāsāñ us kā dil hai dostoñ ke darmiyāñ

raat jaise ho ga.ī ho dushmanoñ ke darmiyāñ

is añdherī raat meñ jugnū nazar aate nahīñ

chāñd ojhal ho gayā hai bādaloñ ke darmiyāñ

sang-dil haiñ sab yahāñ par ham kise apnā kaheñ

bazm meñ tanhā sā huuñ maiñ nafratoñ ke darmiyāñ

ruḳh se pardā jab uThā to sab haqīqat khul ga.ī

chāñd sā mukhḌā bhī ik hai zālimoñ ke darmiyāñ

hosh-mandī hai zarūrī mausamoñ ko dekh kar

kuchh bhañvar bhī uḌ rahe haiñ titliyoñ ke darmiyāñ

dekh lo taqdīr bhī nākām ho kar rah ga.ī

aaj nāseh aa phañsā hai hājiyoñ ke darmiyāñ

jaam mai miinā hai 'ātish' saath meñ hai sāqiyā

ab na koī aa.e bas in mastiyoñ ke darmiyāñ

yun hirasan us ka dil hai doston ke darmiyan

raat jaise ho gai ho dushmanon ke darmiyan

is andheri raat mein jugnu nazar aate nahin

chand ojhal ho gaya hai baadalon ke darmiyan

sang-dil hain sab yahan par hum kise apna kahen

bazm mein tanha sa hun main nafraton ke darmiyan

ruKH se parda jab uTha to sab haqiqat khul gai

chand sa mukhDa bhi ek hai zalimon ke darmiyan

hosh-mandi hai zaruri mausamon ko dekh kar

kuchh bhanwar bhi uD rahe hain titliyon ke darmiyan

dekh lo taqdir bhi nakaam ho kar rah gai

aaj naseh aa phansa hai hajiyon ke darmiyan

jam mai mina hai 'atish' sath mein hai saqiya

ab na koi aae bas in mastiyon ke darmiyan