yun KHud ko KHwahishat ke aksar dikhae rang

yuuñ ḳhud ko ḳhvāhishāt ke aksar dikhā.e rañg

holī meñ jaise koī akele uḌaa.e rañg

dil se bhulā ke zehn kī vīrāniyoñ kā ġham

dīvār-o-dar pe sab ne haiñ kyā kyā sajā.e rañg

tasvīr jo banā.ī hai apnoñ ke vāste

Dar hai ki us meñ log na DhūñDeñ parā.e rañg

tohfe maiñ duuñ kisī ko ye hasrat hī rah ga.ī

muddat se chuTkiyoñ meñ huuñ maiñ bhī dabā.e rañg

rañgīni-e-hayāt ne us se vafā na kī

jis ne mirī nigāh meñ aḳhtar basā.e rañg

yun KHud ko KHwahishat ke aksar dikhae rang

holi mein jaise koi akele uDae rang

dil se bhula ke zehn ki viraniyon ka gham

diwar-o-dar pe sab ne hain kya kya sajae rang

taswir jo banai hai apnon ke waste

Dar hai ki us mein log na DhunDen parae rang

tohfe main dun kisi ko ye hasrat hi rah gai

muddat se chuTkiyon mein hun main bhi dabae rang

rangini-e-hayat ne us se wafa na ki

jis ne meri nigah mein aKHtar basae rang