yun kisi baat pe KHud ko na saza deta hun

yuuñ kisī baat pe ḳhud ko na sazā detā huuñ

ab to har baat ko āḳhir meñ bhulā detā huuñ

jaisā ulfat kī rivāyat kā bharam baaqī hai

maiñ bhī ab chuum ke peshānī jatā detā huuñ

yād-e-māzī ke azāboñ ko sunātā dekhūñ

dāstāñ apnī bhī do-chār sunā detā huuñ

maiñ ne ik gul ko mohabbat se sañbhāle rakkhā

log Darte haiñ ki ab bhī maiñ daġhā detā huuñ

yaad aate jo kabhī hijr ke qisse apne

aisā rotā huuñ ki auroñ ko rulā detā huuñ

aisā karnā bhī zarūrī hai so ab ye bhī kiyā

bhūlne vāloñ ko ab maiñ bhī bhulā detā huuñ

jise jaanā ho vo ab shauq se jaa.e lekin

phir na bolūñgā ki saa.e meñ jagah detā huuñ

apne jazbāt ke 'hassān' charāġhoñ ko maiñ

ab to bas baiTh ke lafzoñ kī havā detā huuñ

yun kisi baat pe KHud ko na saza deta hun

ab to har baat ko aaKHir mein bhula deta hun

jaisa ulfat ki riwayat ka bharam baqi hai

main bhi ab chum ke peshani jata deta hun

yaad-e-mazi ke azabon ko sunata dekhun

dastan apni bhi do-chaar suna deta hun

main ne ek gul ko mohabbat se sanbhaale rakkha

log Darte hain ki ab bhi main dagha deta hun

yaad aate jo kabhi hijr ke qisse apne

aisa rota hun ki auron ko rula deta hun

aisa karna bhi zaruri hai so ab ye bhi kiya

bhulne walon ko ab main bhi bhula deta hun

jise jaana ho wo ab shauq se jae lekin

phir na bolunga ki sae mein jagah deta hun

apne jazbaat ke 'hassan' charaghon ko main

ab to bas baiTh ke lafzon ki hawa deta hun