yun laga dekh ke jaise koi apna aaya

yuuñ lagā dekh ke jaise koī apnā aayā

thī nigāhoñ meñ jo sūrat koī vaisā aayā

din guzāre to bahut kaaT diye māh-o-sāl

apne ghar meñ na koī aap ke jaisā aayā

aisā māhaul ki pal bhar na jahāñ ruk paa.e

kyā kabhī aap ko is tarah bhī jiinā aayā

jo kiyā ham ne vo sab tum ne bhulāyā kaise

itne ehsānoñ kā badla na chukānā aayā

zindagī kaaT dī ḳhud apnī hī tārīfoñ meñ

dūsrā kyā hai samajhnā bhī na itnā aayā

tursh-rūī se milā aap ko kyā kyā ab tak

aap ko ye bhī to ab tak na samajhnā aayā

hai ḳhudā ek to phir kis kī parastish karte

dūsrā naam 'vasīya' ko na japnā aayā

yun laga dekh ke jaise koi apna aaya

thi nigahon mein jo surat koi waisa aaya

din guzare to bahut kaT diye mah-o-sal

apne ghar mein na koi aap ke jaisa aaya

aisa mahaul ki pal bhar na jahan ruk pae

kya kabhi aap ko is tarah bhi jina aaya

jo kiya hum ne wo sab tum ne bhulaya kaise

itne ehsanon ka badla na chukana aaya

zindagi kaT di KHud apni hi tarifon mein

dusra kya hai samajhna bhi na itna aaya

tursh-rui se mila aap ko kya kya ab tak

aap ko ye bhi to ab tak na samajhna aaya

hai KHuda ek to phir kis ki parastish karte

dusra nam 'wasiya' ko na japna aaya