yun meri duaon mein sada kanp rahi hai

yuuñ merī duāoñ meñ sadā kaañp rahī hai

jaise ki havāoñ meñ ridā kaañp rahī hai

hai tere karam se hī ḳhatā-kār kī baḳhshish

har saañs mirī rabb-e-ulā kaañp rahī hai

dhoī thī zabāñ garche mai-e-lāla se maiñ ne

lete hue kyoñ naam tirā kaañp rahī hai

kahne ko tujhe dekh hī letī haiñ nigāheñ

phir taur pe kyoñ tab.a-e-safā kaañp rahī hai

guzrī hai nasīm-e-saharī aaj ye kaise

har shāḳh tah-e-bād-e-sabā kaañp rahī hai

aadam kī duā hogī ye maqbūl sunā thā

phir pesh-e-ḳhudā kis kī navā kaañp rahī hai

yun meri duaon mein sada kanp rahi hai

jaise ki hawaon mein rida kanp rahi hai

hai tere karam se hi KHata-kar ki baKHshish

har sans meri rabb-e-ula kanp rahi hai

dhoi thi zaban garche mai-e-lala se main ne

lete hue kyon nam tera kanp rahi hai

kahne ko tujhe dekh hi leti hain nigahen

phir taur pe kyon taba-e-safa kanp rahi hai

guzri hai nasim-e-sahari aaj ye kaise

har shaKH tah-e-baad-e-saba kanp rahi hai

aadam ki dua hogi ye maqbul suna tha

phir pesh-e-KHuda kis ki nawa kanp rahi hai