yun na KHud mein chup si bhar lo mera phone to uThao

yuuñ na ḳhud meñ chup sī bhar lo mirā phone to uThāo

jo gila hai mujh se kar lo mirā phone to uThāo

jo ġhubār sā hai dil meñ vo nikālnā hī behtar

bhale mujh pe tum biphar lo mirā phone to uThāo

mujhe apnā haal kah do ki karūñ maiñ ġham ġhalat kuchh

mire dard kī ḳhabar lo mirā phone to uThāo

yuuñ alag thalag rahogī to baḌhegī aur uljhan

na lahū meñ yuuñ bhañvar lo mirā phone to uThāo

mirī zindagī se chāho ho agar uḌaan bharnā

mire saare bāl-o-par lo mirā phone to uThāo

ye haqīqatoñ ke daldal kahīñ khā na jaa.eñ tum ko

mire ḳhvāb se guzar lo mirā phone to uThāo

ye jo dhuup hijr kī hai hameñ rakh na de jalā kar

koī sāya-e-shajar lo mirā phone to uThāo

maiñ bichhā ke aa rahā huuñ sar-e-rahguzār ye dil

tum isī pe paañv dhar lo mirā phone to uThāo

yūñhī reshmī se jīvan pe samay kā baar kyoñ ho

mirā rang bārvar lo mirā phone to uThāo

yun na KHud mein chup si bhar lo mera phone to uThao

jo gila hai mujh se kar lo mera phone to uThao

jo ghubar sa hai dil mein wo nikalna hi behtar

bhale mujh pe tum biphar lo mera phone to uThao

mujhe apna haal kah do ki karun main gham ghalat kuchh

mere dard ki KHabar lo mera phone to uThao

yun alag thalag rahogi to baDhegi aur uljhan

na lahu mein yun bhanwar lo mera phone to uThao

meri zindagi se chaho ho agar uDan bharna

mere sare baal-o-par lo mera phone to uThao

ye haqiqaton ke daldal kahin kha na jaen tum ko

mere KHwab se guzar lo mera phone to uThao

ye jo dhup hijr ki hai hamein rakh na de jala kar

koi saya-e-shajar lo mera phone to uThao

main bichha ke aa raha hun sar-e-rahguzar ye dil

tum isi pe panw dhar lo mera phone to uThao

yunhi reshmi se jiwan pe samay ka bar kyon ho

mera rang barwar lo mera phone to uThao