yun na mayus ho ai shorish-e-nakaam abhi

yuuñ na māyūs ho ai shorish-e-nākām abhī

merī rag rag meñ hai ik ātish-e-benām abhī

āshiqī kyā hai har ik shai se tahī ho jaanā

us se milne kī hai dil meñ havas-e-ḳhām abhī

intihā kaif kī uftādgī o pastī hai

mujh se kahtā thā yahī durd-e-tah-e-jām abhī

ilm o hikmat kī tamannā hai na kaunain kā ġham

mere shīshe meñ hai baaqī mai-e-gulfām abhī

sab maze kar diye ḳhurshīd-e-qayāmat ne ḳharāb

merī āñkhoñ meñ thā ik rū-e-dilārām abhī

bulbul-e-zār se go sehn-e-chaman chhūT gayā

us ke siine meñ hai ik shola-e-gulfām abhī

yun na mayus ho ai shorish-e-nakaam abhi

meri rag rag mein hai ek aatish-e-benam abhi

aashiqi kya hai har ek shai se tahi ho jaana

us se milne ki hai dil mein hawas-e-KHam abhi

intiha kaif ki uftadgi o pasti hai

mujh se kahta tha yahi durd-e-tah-e-jam abhi

ilm o hikmat ki tamanna hai na kaunain ka gham

mere shishe mein hai baqi mai-e-gulfam abhi

sab maze kar diye KHurshid-e-qayamat ne KHarab

meri aankhon mein tha ek ru-e-dilaram abhi

bulbul-e-zar se go sehn-e-chaman chhuT gaya

us ke sine mein hai ek shola-e-gulfam abhi