yun subh dikhaenge hum raat ke maron ko

yuuñ sub.h dikhā.eñge ham raat ke māroñ ko

Tāñkeñge dupaTTe par TuuTe hue tāroñ ko

āñkheñ hī nahīñ pahle manzar bhī nayā denā

phir ret se uljhānā un ḳhvāb-savāroñ ko

mehrāb se dil-andar gūñjī hai mohabbat phir

darvāza na kholā to Dhā.egī mināroñ ko

tā-hadd-e-nazar hai ab tā-hadd-e-nazar paanī

tūfān kī aamad ab toḌegī kināroñ ko

ik kuuñj sisaktī hai miTTī meñ dabā.e choñch

jab shaam ko taktī hai luuTī hui Dāroñ ko

aa jaa.e hamārā naam us shaḳhs ke hoñToñ par

ab aag lage saare ḳhāmosh ishāroñ ko

kis samt se aa.e the kis samt ga.e hoñge

tum ne bhī nahīñ dekhā un nāqa-savāroñ ko

kaase meñ tasavvur ke ik aks ġhanīmat hai

ḳhālī nahīñ lauTāyā bilqīs ne yāroñ ko

yun subh dikhaenge hum raat ke maron ko

Tankenge dupaTTe par TuTe hue taron ko

aankhen hi nahin pahle manzar bhi naya dena

phir ret se uljhana un KHwab-sawaron ko

mehrab se dil-andar gunji hai mohabbat phir

darwaza na khola to Dhaegi minaron ko

ta-hadd-e-nazar hai ab ta-hadd-e-nazar pani

tufan ki aamad ab toDegi kinaron ko

ek kunj sisakti hai miTTi mein dabae chonch

jab sham ko takti hai luTi hui Daron ko

aa jae hamara nam us shaKHs ke honTon par

ab aag lage sare KHamosh ishaaron ko

kis samt se aae the kis samt gae honge

tum ne bhi nahin dekha un naqa-sawaron ko

kase mein tasawwur ke ek aks ghanimat hai

KHali nahin lauTaya bilqis ne yaron ko