yun to dekhi hain mere yar sabhi ki aankhen
yuuñ to dekhī haiñ mire yaar sabhī kī āñkheñ
us kī āñkhoñ sī kahāñ aur kisī kī āñkheñ
vo to parbat kī bulandī ko bhulā baiThī hai
gum haiñ yuuñ tere ubhāroñ meñ nadī kī āñkheñ
us kī gardan ke sabhī tauq utar jaate haiñ
jis pe uTh jaatī haiñ ik baar valī kī āñkheñ
bas tirī raah meñ luTne ko tule baiThe haiñ
kisī lamhe kā badan ho ki sadī kī āñkheñ
hijr kā vaqt batātī hai hamesha 'nomān'
dekhtā huuñ maiñ jo har baar ghaḌī kī āñkheñ
yun to dekhi hain mere yar sabhi ki aankhen
us ki aankhon si kahan aur kisi ki aankhen
wo to parbat ki bulandi ko bhula baiThi hai
gum hain yun tere ubhaaron mein nadi ki aankhen
us ki gardan ke sabhi tauq utar jate hain
jis pe uTh jati hain ek bar wali ki aankhen
bas teri rah mein luTne ko tule baiThe hain
kisi lamhe ka badan ho ki sadi ki aankhen
hijr ka waqt batati hai hamesha 'noman'
dekhta hun main jo har bar ghaDi ki aankhen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
