yun to duniya mein hain dildar bahut

yuuñ to duniyā meñ haiñ dildār bahut

karte mirzā haiñ magar pyaar bahut

shaiḳh jī karte haiñ takrār bahut

aaj deñge unheñ ham maar bahut

chul nahīñ uThtī agar chakle kī

pūchho kyoñ jaate haiñ bāzār bahut

sāġhar-e-husn bachānā guyyāñ

taak meñ phirte haiñ mai-ḳhvār bahut

bal na abrū pe hamāre aaya

vo ghumāyā kiye talvār bahut

ek dil kis ko na deñ kis ko deñ

lene vāloñ kī hai bhar-mār bahut

aaj dāroġha kī kal deputy kī

rahtī gauhar ko hai begār bahut

tum to kasbī se vo tum se bigḌī

mujh se uljhe na muī naar bahut

beḌiyāñ shaiḳh kī gar kaT jaa.eñ

DhūñD le bandī bhī phir paar bahut

ham ne ghusne na diye un ke raqīb

ḳhaar khāyā kiye bad-kār bahut

paTTī sautoñ ne paḌhā.ī aisī

ham se āzurda haiñ sarkār bahut

muñh-lage gar nahīñ marde un ke

ghere kyoñ rahte haiñ aġhyār bahut

bāda-e-ishq meñ 'anqā-begam'

ab to rahne lagī sarshār bahut

yun to duniya mein hain dildar bahut

karte mirza hain magar pyar bahut

shaiKH ji karte hain takrar bahut

aaj denge unhen hum mar bahut

chul nahin uThti agar chakle ki

puchho kyon jate hain bazar bahut

saghar-e-husn bachana guyyan

tak mein phirte hain mai-KHwar bahut

bal na abru pe hamare aaya

wo ghumaya kiye talwar bahut

ek dil kis ko na den kis ko den

lene walon ki hai bhar-mar bahut

aaj darogha ki kal deputy ki

rahti gauhar ko hai begar bahut

tum to kasbi se wo tum se bigDi

mujh se uljhe na mui nar bahut

beDiyan shaiKH ki gar kaT jaen

DhunD le bandi bhi phir par bahut

hum ne ghusne na diye un ke raqib

KHar khaya kiye bad-kar bahut

paTTi sauton ne paDhai aisi

hum se aazurda hain sarkar bahut

munh-lage gar nahin marde un ke

ghere kyon rahte hain aghyar bahut

baada-e-ishq mein 'anqa-begam'

ab to rahne lagi sarshaar bahut