yun to har ek ne ki rasm ada mere baad

yuuñ to har ek ne kī rasm adā mere baad

kar na paayā koī takmīl-e-vafā mere baad

maiñ ne anjām diye kār-e-numāyāñ jo bhī

bā-vafā koī bhī vo kar na sakā mere baad

kaun samjhegā taqaddus jo hai bahr-e-ġham kā

zindagī ko koī sāhil na milā mere baad

sajda-e-shukr ba-har-gām adā kartā huuñ

kaun samjhegā ye taslīm-o-razā mere baad

sāf-goī kā har ik kartā hai da.avā lekin

kis ne mahfil meñ ye iz.hār kiyā mere baad

inqalāb aaya zamāne meñ to kis ke dam se

kis kā lahja asar-andāz huā mere baad

ḳhair maqdam ke liye ḳhud baḌhī manzil merī

duur tak phir na chalā us kā patā mere baad

bazm-e-duniyā to hai 'maqsūd' sarā-e-fānī

kyā ḳhabar kaun ho phir jalva-numā mere baad

yun to har ek ne ki rasm ada mere baad

kar na paya koi takmil-e-wafa mere baad

main ne anjam diye kar-e-numayan jo bhi

ba-wafa koi bhi wo kar na saka mere baad

kaun samjhega taqaddus jo hai bahr-e-gham ka

zindagi ko koi sahil na mila mere baad

sajda-e-shukr ba-har-gam ada karta hun

kaun samjhega ye taslim-o-raza mere baad

saf-goi ka har ek karta hai dawa lekin

kis ne mahfil mein ye izhaar kiya mere baad

inqalab aaya zamane mein to kis ke dam se

kis ka lahja asar-andaz hua mere baad

KHair maqdam ke liye KHud baDhi manzil meri

dur tak phir na chala us ka pata mere baad

bazm-e-duniya to hai 'maqsud' sara-e-fani

kya KHabar kaun ho phir jalwa-numa mere baad