yun to har gam pe Thokar koi kha jata hun

yuuñ to har gaam pe Thokar koī khā jaatā huuñ

phir bhī ye azm mirā hai ki chalā jaatā huuñ

bārhā aise savālāt ne taḌpāyā hai

maiñ bhī kyā un ke ḳhayālāt pe chhā jaatā huuñ

koī hamrāh zarūrī hai har ik manzil tak

har qadam par rah-e-ulfat meñ girā jaatā huuñ

har kisī par na ayaañ ho ye mohabbat merī

maiñ tirī bazm se ḳhāmosh uThā jaatā huuñ

aaj kuchh soch ke mahfil meñ tirī aaya thā

ye nahīñ tujh ko gavārā to chalā jaatā huuñ

phir bulandī pe sitāra hai mirī ulfat kā

phir maiñ us shoḳh ke nazdīk huā jaatā huuñ

naaz qismat pe karūñ jitnā bhī kam hai 'anvar'

maiñ faqat aap kā dīvāna kahā jaatā huuñ

yun to har gam pe Thokar koi kha jata hun

phir bhi ye azm mera hai ki chala jata hun

barha aise sawalat ne taDpaya hai

main bhi kya un ke KHayalat pe chha jata hun

koi hamrah zaruri hai har ek manzil tak

har qadam par rah-e-ulfat mein gira jata hun

har kisi par na ayan ho ye mohabbat meri

main teri bazm se KHamosh uTha jata hun

aaj kuchh soch ke mahfil mein teri aaya tha

ye nahin tujh ko gawara to chala jata hun

phir bulandi pe sitara hai meri ulfat ka

phir main us shoKH ke nazdik hua jata hun

naz qismat pe karun jitna bhi kam hai 'anwar'

main faqat aap ka diwana kaha jata hun