yun to in aankhon se humne o but kahne ko duniya dekhi
yun to in aankhon se humne o but kahne ko duniya dekhi
Mirza Asman Jah Anjum
MORE BYMirza Asman Jah Anjum
yuuñ to in āñkhoñ se ham ne o but kahne ko duniyā dekhī
lekin saarī ḳhudā.ī bhar terī sūrat-e-yaktā dekhī
khel ga.e kyuuñ jaañ pe 'anjum' tum ne abhī kyā duniyā dekhī
marne lage ḳhūbān-e-jahāñ par terī merī dekhā-dekhī
dard-e-jigar kam thā ki nahīñ thā ye to batā dam thā ki nahīñ thā
kah to marīz meñ kuchh bhī dekhā nabz jo tū ne masīhā dekhī
us ko bhalā kyūñkar chain aayā dil ko kyā kah kar samjhāyā
sūrat terī jis ne sitam-gar thaam ke apnā kalejā dekhī
vasl kī shab barham hī rahā vo tā-ba-sahar uljhā hī kiyā vo
bal na gayā abrū se us kī zulf bhī ham ne suljhā dekhī
vāh-re-vā ai nāla-e-sozāñ dekh lī terī ThanDī garmī
dil na pasījā us kāfir kā aag bhī tū ne bhaḌkā dekhī
us ke dil se ga.ī na kudūrat dil kī dil hī meñ rah ga.ī hasrat
ham ne jhaḌī ashkoñ kī barsoñ in āñkhoñ se barsā dekhī
ek zarā se hashr pe vaa.iz us ko Darātā allāh allāh
jis ne butoñ kī galī meñ barsoñ roz-e-qayāmat barpā dekhī
jaisī ziist hamārī guzrī dushman kī bhī yuuñ na basar ho
'anjum' hazrat-e-dil kī badaulat ham ne musībat kyā kyā dekhī
yun to in aankhon se hum ne o but kahne ko duniya dekhi
lekin sari KHudai bhar teri surat-e-yakta dekhi
khel gae kyun jaan pe 'anjum' tum ne abhi kya duniya dekhi
marne lage KHuban-e-jahan par teri meri dekha-dekhi
dard-e-jigar kam tha ki nahin tha ye to bata dam tha ki nahin tha
kah to mariz mein kuchh bhi dekha nabz jo tu ne masiha dekhi
us ko bhala kyunkar chain aaya dil ko kya kah kar samjhaya
surat teri jis ne sitam-gar tham ke apna kaleja dekhi
wasl ki shab barham hi raha wo ta-ba-sahar uljha hi kiya wo
bal na gaya abru se us ki zulf bhi hum ne suljha dekhi
wah-re-wa ai nala-e-sozan dekh li teri ThanDi garmi
dil na pasija us kafir ka aag bhi tu ne bhaDka dekhi
us ke dil se gai na kudurat dil ki dil hi mein rah gai hasrat
hum ne jhaDi ashkon ki barson in aankhon se barsa dekhi
ek zara se hashr pe waiz us ko Daraata allah allah
jis ne buton ki gali mein barson roz-e-qayamat barpa dekhi
jaisi zist hamari guzri dushman ki bhi yun na basar ho
'anjum' hazrat-e-dil ki badaulat hum ne musibat kya kya dekhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
