yun to iqrar ka pahlu bhi hai inkar ke sath

yuuñ to iqrār kā pahlū bhī hai inkār ke saath

phir bhī dhaḌkā sā lagā rahtā hai iz.hār ke saath

ye alag baat ki ham dekh nahīñ paate haiñ

lag ke baiThā hai koī aaj bhī dīvār ke saath

rāsta ḳhāna-badoshoñ kā koī to nikle

baat uljhī huī rahtī hai zamīñ-dār ke saath

faisla vaqt kā jaatā hai kidhar dekheñge

jang jaarī hai abhī mauj kī patvār ke saath

us kī gardan kī hifāzat kī zamānat kyā hai

kheltā hai jo sadā ḳhanjar-o-talvār ke saath

varna behtar hai abhī ḳhatm kahānī ho jaa.e

zinda rahnā hai to phir 'azmat-o-kirdār ke saath

yun to iqrar ka pahlu bhi hai inkar ke sath

phir bhi dhaDka sa laga rahta hai izhaar ke sath

ye alag baat ki hum dekh nahin pate hain

lag ke baiTha hai koi aaj bhi diwar ke sath

rasta KHana-badoshon ka koi to nikle

baat uljhi hui rahti hai zamin-dar ke sath

faisla waqt ka jata hai kidhar dekhenge

jang jari hai abhi mauj ki patwar ke sath

us ki gardan ki hifazat ki zamanat kya hai

khelta hai jo sada KHanjar-o-talwar ke sath

warna behtar hai abhi KHatm kahani ho jae

zinda rahna hai to phir 'azmat-o-kirdar ke sath