yun to meri zat har pal dar-ba-dar hoti rahi

yuuñ to merī zaat har pal dar-ba-dar hotī rahī

aañkh lekin sahn-e-husn-e-yār par rakkhī rahī

baa'd tere ḳhvāb bhī sab barhana hote rahe

aur in nīñdoñ kī bhī ‘ismat-darī hotī rahī

ik do-rāhe par khaḌe do saa.e lahrāte rahe

duur jangal meñ kahīñ ik bāñsurī bajtī rahī

der-pā kyā naqsh ho jab shah-rag-e-kaunain par

ek shamshīr-e-taġhayyur har ghaḌī laTkī rahī

aaj bhī saare sitāre uñgliyoñ par gin liye

aaj ke bhī ratjage kī naukrī achchhī rahī

be-sabātī-e-jahāñ aur rā.egānī-e-hayāt

ek bahlātī rahī aur ek bahkātī rahī

hijr kasb-e-zāt kā mo’jiz-numā hotā rahā

aur ham ko rafta-rafta apnī yaad aatī rahī

maiñ charāġh-e-be-ḳhatar har daur meñ raushan rahā

mujh se nisbat āñdhiy.oñ kī sirf fariyādī rahī

yun to meri zat har pal dar-ba-dar hoti rahi

aankh lekin sahn-e-husn-e-yar par rakkhi rahi

ba'd tere KHwab bhi sab barhana hote rahe

aur in nindon ki bhi ‘ismat-dari hoti rahi

ek do-rahe par khaDe do sae lahraate rahe

dur jangal mein kahin ek bansuri bajti rahi

der-pa kya naqsh ho jab shah-rag-e-kaunain par

ek shamshir-e-taghayyur har ghaDi laTki rahi

aaj bhi sare sitare ungliyon par gin liye

aaj ke bhi ratjage ki naukri achchhi rahi

be-sabaati-e-jahan aur raegani-e-hayat

ek bahlati rahi aur ek bahkati rahi

hijr kasb-e-zat ka mo’jiz-numa hota raha

aur hum ko rafta-rafta apni yaad aati rahi

main charagh-e-be-KHatar har daur mein raushan raha

mujh se nisbat aandhiyon ki sirf fariyaadi rahi