yun to milne ko ek zamana mila

yuuñ to milne ko ik zamāna milā

na milā haañ vo bevafā na milā

āshnā.ī meñ kuchh mazā na milā

āshnā dard-āshnā na milā

jab mile vo khiche tane hī mile

lutf milne kā ik zarā na milā

ham-navā sab ḳhizāñ ke aate hī

aise patta hue patā na milā

kho ke dil ko ham is qadar ḳhush haiñ

jaise qārūn kā ḳhazāna milā

shaad kyā huuñ husūl-e-jannat par

ki rupa.e meñ se ek aanā milā

āshiqī kyā hai sach jo pūchho to

ham ko marne kā ik bahāna milā

zindagānī thī yā pareshānī

sab kiyā aur kuchh mazā na milā

roiye us kī bad-nasībī par

DhūñDhne par jise ḳhudā na milā

mujh se milne meñ kyā burā.ī hai

aap ke dil kā mudda.ā na milā

mil gayā dil jo ham se milnā thā

aañkh ab ham se to milā na milā

khich ke milnā bhī koī milnā hai

ek hai vo jo yuuñ milā na milā

phir samā.ī safī' se milne kī

kyuuñ tumheñ koī dūsrā na milā

qadr kartā huuñ apnī aap safī'

vaah mujh ko bhī kyā zamāna milā

yun to milne ko ek zamana mila

na mila han wo bewafa na mila

aashnai mein kuchh maza na mila

aashna dard-ashna na mila

jab mile wo khiche tane hi mile

lutf milne ka ek zara na mila

ham-nawa sab KHizan ke aate hi

aise patta hue pata na mila

kho ke dil ko hum is qadar KHush hain

jaise qarun ka KHazana mila

shad kya hun husul-e-jannat par

ki rupae mein se ek aana mila

aashiqi kya hai sach jo puchho to

hum ko marne ka ek bahana mila

zindagani thi ya pareshani

sab kiya aur kuchh maza na mila

roiye us ki bad-nasibi par

DhunDhne par jise KHuda na mila

mujh se milne mein kya burai hai

aap ke dil ka muddaa na mila

mil gaya dil jo hum se milna tha

aankh ab hum se to mila na mila

khich ke milna bhi koi milna hai

ek hai wo jo yun mila na mila

phir samai safi' se milne ki

kyun tumhein koi dusra na mila

qadr karta hun apni aap safi'

wah mujh ko bhi kya zamana mila