yun to sab saman paDa hai

yuuñ to sab sāmān paḌā hai

lekin ghar vīrān paḌā hai

shahr pe jaane kyā biitī hai

har rasta sunsān paḌā hai

zinda huuñ par koī mujh meñ

muddat se be-jān paḌā hai

tabhī chaleñ haiñ is qāfile vaale

jab rasta āsān paḌā hai

shā.er kāñToñ par jiitā thā

phūloñ par dīvān paḌā hai

mere ghar ke darvāze par

merā hī sāmān paḌā hai

yaar 'shajar' duniyā kā fasāna

kab se be-unvān paḌā hai

yun to sab saman paDa hai

lekin ghar viran paDa hai

shahr pe jaane kya biti hai

har rasta sunsan paDa hai

zinda hun par koi mujh mein

muddat se be-jaan paDa hai

tabhi chalen hain is qafile wale

jab rasta aasan paDa hai

shaer kanTon par jita tha

phulon par diwan paDa hai

mere ghar ke darwaze par

mera hi saman paDa hai

yar 'shajar' duniya ka fasana

kab se be-unwan paDa hai