yun to tai ho bhi chuka tark-e-mohabbat karna
yuuñ to tai ho bhī chukā tark-e-mohabbat karnā
kitnā mushkil hai magar ḳhud use ruḳhsat karnā
ab kisī shahr meñ bhī ḳhush nahīñ rahne detā
vo tire shahr se merā kabhī hijrat karnā
abhī paayā bhī nahīñ thā ki use kho bhī diyā
apnī aadat hai har ik kaam meñ ujlat karnā
sab kī sah lete haiñ ham sāmne us ke lekin
saḳht mushkil hai bayāñ dil kī hikāyat karnā
bevafā.ī se tirī baḌh ke ajab baat thī kyā
kisī an-honī pe ab kis liye hairat karnā
yun to tai ho bhi chuka tark-e-mohabbat karna
kitna mushkil hai magar KHud use ruKHsat karna
ab kisi shahr mein bhi KHush nahin rahne deta
wo tere shahr se mera kabhi hijrat karna
abhi paya bhi nahin tha ki use kho bhi diya
apni aadat hai har ek kaam mein ujlat karna
sab ki sah lete hain hum samne us ke lekin
saKHt mushkil hai bayan dil ki hikayat karna
bewafai se teri baDh ke ajab baat thi kya
kisi an-honi pe ab kis liye hairat karna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
