yun wo meri wafa aazmata raha

yuuñ vo merī vafā āzmātā rahā

duur hotā rahā paas aatā rahā

maiñ ne hālāt se haar maanī nahīñ

barq girtī rahī ghar banātā rahā

le rahā thā mire sabr kā imtihāñ

vo ḳhudā thā mujhe āzmātā rahā

maiñ na jānūñ kahāñ rāsta ḳhatm ho

mujh ko chalnā paḌā vo chalātā rahā

ḳhvāb bantī rahī zindagī aur maiñ

aa.ina zindagī ko dikhātā rahā

log kahte haiñ maiñ sānī-e-'mīr' huuñ

jo hañsā bhī to sab ko rulātā rahā

kaun thā jis ne baḳhshī ġhazal ko ziyā

lab pe 'jāved' kā naam aatā rahā

yun wo meri wafa aazmata raha

dur hota raha pas aata raha

main ne haalat se haar mani nahin

barq girti rahi ghar banata raha

le raha tha mere sabr ka imtihan

wo KHuda tha mujhe aazmata raha

main na jaanun kahan rasta KHatm ho

mujh ko chalna paDa wo chalata raha

KHwab banti rahi zindagi aur main

aaina zindagi ko dikhata raha

log kahte hain main sani-e-'mir' hun

jo hansa bhi to sab ko rulata raha

kaun tha jis ne baKHshi ghazal ko ziya

lab pe 'jawed' ka nam aata raha