yun zindagi ke mani kisi ne bata diye

yuuñ zindagī ke ma.anī kisī ne batā diye

tum ret pe do harf likhe aur miTā diye

kaise kahūñ ki kitnā vo khul kar milā hai aaj

sharm-o-hayā ke saare parinde uḌā diye

dushman se hār-jīt kā honā thā faisla

to vāpsī ke ham ne safīne jalā diye

tū baḳhsh yā na baḳhsh tujhe iḳhtiyār hai

guzreñge tere dar se na ham bin sadā diye

'fārūq' un se koī shikāyat nahīñ rahī

āñkheñ milīñ to dhīre se vo muskurā diye

yun zindagi ke mani kisi ne bata diye

tum ret pe do harf likhe aur miTa diye

kaise kahun ki kitna wo khul kar mila hai aaj

sharm-o-haya ke sare parinde uDa diye

dushman se haar-jit ka hona tha faisla

to wapsi ke hum ne safine jala diye

tu baKHsh ya na baKHsh tujhe iKHtiyar hai

guzrenge tere dar se na hum bin sada diye

'faruq' un se koi shikayat nahin rahi

aankhen milin to dhire se wo muskura diye