yun zindagi ki jang ko laDta raha charagh

yuuñ zindagī kī jañg ko laḌtā rahā charāġh

āñkhoñ meñ raat bhar bujhā bujh kar jalā charāġh

merī ye jaan le ke milegā tujhe bhī kyā

har pal havā se kahtā thā bujhtā huā charāġh

shāyad nishān hai ye mohabbat kā āḳhirī

mere mazār-e-jān pe TuuTā paḌā charāġh

varna ye khārā paanī kisī kaam kā na thā

phir us ne merī aañkh meñ aa kar rakhā charāġh

maiñ ne chhupāyā bhed ye dil kā 'ajab tarah

chehra jalā jo ġham se to us ko kahā charāġh

baḳhshī hai be-ruḳhī ne karāmat ajīb-tar

jalne lage the lafz jo maiñ ne likhā charāġh

utrī jo hijr-e-rāt to raushan huā maiñ yuuñ

siine meñ terī yaad kā jalne lagā charāġh

yādoñ kā kārvān yuuñ raushan hai ās-pās

jab bhī bujhā hai ek jalā hai nayā charāġh

jaate hue to raat sisaktī huī ga.ī

ThanDī havā ne aise thā ghā.il kiyā charāġh

vaise to dil kī aag se raushan vajūd thā

āñkhoñ meñ jal sakā nahīñ dīdār kā charāġh

yuuñ to dhanak ke rang bhī ḳhūbī meñ kam nahīñ

lekin kahāñ hai koī tire husn sā charāġh

yun zindagi ki jang ko laDta raha charagh

aankhon mein raat bhar bujha bujh kar jala charagh

meri ye jaan le ke milega tujhe bhi kya

har pal hawa se kahta tha bujhta hua charagh

shayad nishan hai ye mohabbat ka aaKHiri

mere mazar-e-jaan pe TuTa paDa charagh

warna ye khaara pani kisi kaam ka na tha

phir us ne meri aankh mein aa kar rakha charagh

main ne chhupaya bhed ye dil ka 'ajab tarah

chehra jala jo gham se to us ko kaha charagh

baKHshi hai be-ruKHi ne karamat ajib-tar

jalne lage the lafz jo main ne likha charagh

utri jo hijr-e-raat to raushan hua main yun

sine mein teri yaad ka jalne laga charagh

yaadon ka karwan yun raushan hai aas-pas

jab bhi bujha hai ek jala hai naya charagh

jate hue to raat sisakti hui gai

ThanDi hawa ne aise tha ghail kiya charagh

waise to dil ki aag se raushan wajud tha

aankhon mein jal saka nahin didar ka charagh

yun to dhanak ke rang bhi KHubi mein kam nahin

lekin kahan hai koi tere husn sa charagh