yunhi kabhi machal gae yunhi kabhi bahal gae

yūñhī kabhī machal ga.e yūñhī kabhī bahal ga.e

ham ko kahāñ qarār thā tum se mile sañbhal ga.e

dil kī kabhī sunī nahīñ aur kabhī to be-sabab

aañkh zarā sī nam huī us kī taraf nikal ga.e

yūñhī raheñge raat din yūñhī zamīn-o-āsmāñ

tum jo kabhī badal ga.e ham jo kabhī badal ga.e

koī darīcha vā huā koī na aayā baam par

aaj ye kis galī se ham gaate hue ġhazal ga.e

yunhi kabhi machal gae yunhi kabhi bahal gae

hum ko kahan qarar tha tum se mile sanbhal gae

dil ki kabhi suni nahin aur kabhi to be-sabab

aankh zara si nam hui us ki taraf nikal gae

yunhi rahenge raat din yunhi zamin-o-asman

tum jo kabhi badal gae hum jo kabhi badal gae

koi daricha wa hua koi na aaya baam par

aaj ye kis gali se hum gate hue ghazal gae