zahid dar-e-masjid pe KHarabaat ki tu ne

zāhid dar-e-masjid pe ḳharābāt kī tū ne

jī bhī yūñhī chāhe thā karāmāt kī tū ne

jaane de bas ab yaar ki ye bhī nahīñ kuchh kam

a.amāl kī dil ke jo mukāfāt kī tū ne

īdhar to maiñ nālāñ huuñ udhar ġhair na jaane

ab kis se mirī jaan mulāqāt kī tū ne

allāh-rī mohabbat tirī ta.alīm ki jo baat

dushvār thī mujh par so musāvāt kī tū ne

'qā.em' rah-e-pur-ḳhauf hai aur duur hai manzil

kab pahuñchegā zālim jo yahīñ raat kī tū ne

zahid dar-e-masjid pe KHarabaat ki tu ne

ji bhi yunhi chahe tha karamat ki tu ne

jaane de bas ab yar ki ye bhi nahin kuchh kam

aamal ki dil ke jo mukafat ki tu ne

idhar to main nalan hun udhar ghair na jaane

ab kis se meri jaan mulaqat ki tu ne

allah-ri mohabbat teri talim ki jo baat

dushwar thi mujh par so musawat ki tu ne

'qaem' rah-e-pur-KHauf hai aur dur hai manzil

kab pahunchega zalim jo yahin raat ki tu ne