zahir musafiron ka hunar ho nahin raha
zāhir musāfiroñ kā hunar ho nahīñ rahā
chal bhī rahe haiñ aur safar ho nahīñ rahā
kyā hashr hai ki bārish-e-naisāñ ke bāvajūd
paidā kisī sadaf meñ guhar ho nahīñ rahā
sub.h-e-visāl kab se numūdār ho chukī
nāpaid shām-e-hijr kā Dar ho nahīñ rahā
qaa.il tamām shahr tire e.atibār kā
honā to chāhiye thā magar ho nahīñ rahā
baiThe hue haiñ der se shātir bisāt par
mohara koī idhar se udhar ho nahīñ rahā
lagtā hai yuuñ qayām hai apnā sarā.e meñ
ham jis makān meñ haiñ vo ghar ho nahīñ rahā
murda hue haiñ lafz ki patthar samā.ateñ
ḳhāmī kahīñ to hai ki asar ho nahīñ rahā
'gulzār' sab ne peḌ ko sīñchā hai ḳhuun se
taqsīm har kisī pe samar ho nahīñ rahā
zahir musafiron ka hunar ho nahin raha
chal bhi rahe hain aur safar ho nahin raha
kya hashr hai ki barish-e-naisan ke bawajud
paida kisi sadaf mein guhar ho nahin raha
subh-e-visal kab se numudar ho chuki
napaid sham-e-hijr ka Dar ho nahin raha
qail tamam shahr tere eatibar ka
hona to chahiye tha magar ho nahin raha
baiThe hue hain der se shatir bisat par
mohara koi idhar se udhar ho nahin raha
lagta hai yun qayam hai apna sarae mein
hum jis makan mein hain wo ghar ho nahin raha
murda hue hain lafz ki patthar samaaten
KHami kahin to hai ki asar ho nahin raha
'gulzar' sab ne peD ko sincha hai KHun se
taqsim har kisi pe samar ho nahin raha
- Book : Urdu Adab (Pg. 57)
- Author : Iqbal Hussain
- Publication : Iqbal Hussain Publishers (Jan, Feb. Mar 1996)
- Edition : Jan, Feb. Mar 1996
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
