zat ke kamre mein baiTha hun main khiDki khol kar
zaat ke kamre meñ baiThā huuñ maiñ khiḌkī khol kar
ḳhud ko maiñ bahlā rahā huuñ apne muñh se bol kar
sirf hoñToñ kā tabassum ziist kā gulzār hai
ab na duniyā ko dikhā ashkoñ ke motī rol kar
lafz kī nāzuk sadā par zindagī kā bojh hai
baat bhī duniyā ḳharīde is jahāñ meñ tol kar
ik jagah Thahre hue haiñ sab purāne vāste
apnī sochoñ ke mutābiq ziist kā māhaul kar
rāsta tārīk jiine kī ziyā bārīk hai
rah na jaa.eñ chalte chalte tere paañv Dol kar
zat ke kamre mein baiTha hun main khiDki khol kar
KHud ko main bahla raha hun apne munh se bol kar
sirf honTon ka tabassum zist ka gulzar hai
ab na duniya ko dikha ashkon ke moti rol kar
lafz ki nazuk sada par zindagi ka bojh hai
baat bhi duniya KHaride is jahan mein tol kar
ek jagah Thahre hue hain sab purane waste
apni sochon ke mutabiq zist ka mahaul kar
rasta tarik jine ki ziya barik hai
rah na jaen chalte chalte tere panw Dol kar
- Book : Dariche (Pg. 20)
- Author : Bashir Saifi
- Publication : Shakhsar Publishers (1975)
- Edition : 1975
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
