zaban jab dil jalati hai main us se Khaar khata hun

zabāñ jab dil jalātī hai maiñ us se ḳhaar khātā huuñ

vo aksar jiit jaatī hai maiñ aksar haar jaatā huuñ

agar chāhūñ gul-o-bulbul ke jazbe khīñch kar rakh duuñ

magar apnī kamā.ī kā gadā sach hī dikhātā huuñ

zabāñ kī maar khaa.ī hai jo maiñ ne yaaro mādar kī

shikasta ho ki in TukḌoñ ko ab tum par luTātā huuñ

adīboñ ne mujhe jhāḌā to pheñkā go huuñ vo kiiḌā

ki un kī kul kitāboñ ko maiñ yuuñ hī chaaT khātā huuñ

salāḳheñ aur zanjīreñ haiñ kyā bejā mazālim kyā

zabāñ kī do salāḳhoñ meñ maiñ ḳhud ko qaid paatā huuñ

koī dīmak lagī lakḌī sī kuchh yādeñ sambhālī thiiñ

vo merā tan galātī thiiñ so ḳhud un ko galātā huuñ

agar merī tashaffī ko do bāteñ yaar kī kar do

zabāñ kī hī 'ināyat hai ki ḳhud ko bhuul jaatā huuñ

mire sūkhe samundar ne jo kuchh naqshe se khīñche the

jinheñ lahreñ miTātī thiiñ kabhī ab maiñ miTātā huuñ

mirī hassās tabī'at ko to kyā samjheñge maiñ ḳhud ko

kabhī ashkoñ se muñh dho kar kabhī hañs ke chhupātā huuñ

jo kūḌā-dān ko shāyāñ hai vo merī adībī hai

ye pannī chaḌ-chḌātī hai maiñ jab sham.a baḌhātā huuñ

kabhī samjhā thā shā'ir huuñ gadā likhtā thā maiñ ḳhud ko

jo majnūñ ban phirā ban meñ vo ban se lauT aatā huuñ

zaban jab dil jalati hai main us se KHar khata hun

wo aksar jit jati hai main aksar haar jata hun

agar chahun gul-o-bulbul ke jazbe khinch kar rakh dun

magar apni kamai ka gada sach hi dikhata hun

zaban ki mar khai hai jo main ne yaro madar ki

shikasta ho ki in TukDon ko ab tum par luTata hun

adibon ne mujhe jhaDa to phenka go hun wo kiDa

ki un ki kul kitabon ko main yun hi chaT khata hun

salaKHen aur zanjiren hain kya beja mazalim kya

zaban ki do salaKHon mein main KHud ko qaid pata hun

koi dimak lagi lakDi si kuchh yaaden sambhaali thin

wo mera tan galati thin so KHud un ko galata hun

agar meri tashaffi ko do baaten yar ki kar do

zaban ki hi 'inayat hai ki KHud ko bhul jata hun

mere sukhe samundar ne jo kuchh naqshe se khinche the

jinhen lahren miTati thin kabhi ab main miTata hun

meri hassas tabi'at ko to kya samjhenge main KHud ko

kabhi ashkon se munh dho kar kabhi hans ke chhupata hun

jo kuDa-dan ko shayan hai wo meri adibi hai

ye panni chaD-chDati hai main jab shama baDhata hun

kabhi samjha tha sha'ir hun gada likhta tha main KHud ko

jo majnun ban phira ban mein wo ban se lauT aata hun