zaban khol sawal-o-jawab kar ke dikha

zabān khol savāl-o-javāb kar ke dikhā

agar tū gūñgā nahīñ hai ḳhitāb kar ke dikhā

mizāj pūchh charāġhoñ kā aa ke dhartī par

ye kaam bhī to kabhī āftāb kar ke dikhā

na.e jahānoñ kī be-kār kar rahā hai talāsh

isī zamīn pe paidā gulāb kar ke dikhā

adhūre qissoñ kī ahl-e-nazar na deñge daad

unheñ tū dil kī mukammal kitāb kar ke dikhā

sunā hai sab ke tū dukh kā ilaaj kartā hai

hamāre dil se alag iztirāb kar ke dikhā

ye kaun kahtā hai zāhir tū aib kar ke dikhā

haqīqatoñ ko magar be-naqāb kar ke dikhā

safar hayāt kā ab itnā bhī nahīñ dushvār

tamāshā mujh ko na.e ham-rikāb kar ke dikhā

'kamāl' jiine se bezār log ho jaa.eñ

na zindagī ko tū itnā ḳharāb kar ke dikhā

zaban khol sawal-o-jawab kar ke dikha

agar tu gunga nahin hai KHitab kar ke dikha

mizaj puchh charaghon ka aa ke dharti par

ye kaam bhi to kabhi aaftab kar ke dikha

nae jahanon ki be-kar kar raha hai talash

isi zamin pe paida gulab kar ke dikha

adhure qisson ki ahl-e-nazar na denge dad

unhen tu dil ki mukammal kitab kar ke dikha

suna hai sab ke tu dukh ka ilaj karta hai

hamare dil se alag iztirab kar ke dikha

ye kaun kahta hai zahir tu aib kar ke dikha

haqiqaton ko magar be-naqab kar ke dikha

safar hayat ka ab itna bhi nahin dushwar

tamasha mujh ko nae ham-rikab kar ke dikha

'kamal' jine se bezar log ho jaen

na zindagi ko tu itna KHarab kar ke dikha