zaban pe KHud-baKHud arz-e-mohabbat aai jati hai
zabāñ pe ḳhud-baḳhud arz-e-mohabbat aa.ī jaatī hai
khule paḌte haiñ armāñ zindagī sharmā.ī jaatī hai
bulāve aa rahe haiñ manziloñ ke shaam se lekin
tamannāoñ ko in kī god meñ niiñd aa.ī jaatī hai
vo aa.e haiñ tasallī ke liye lekin ye aalam hai
nigāheñ nam haiñ lau āvāz kī tharrā.ī jaatī hai
dimāġh-o-dil kī saarī kashmakash bekār-o-lā-hāsil
nashe kī tarah us kī yaad sab par chhā.ī jaatī hai
nahīñ kuchh tere baa.is ye udāsī bad-gumāñ mat ho
jahāñ jaatā huuñ mere saath ye tanhā.ī jaatī hai
zaban pe KHud-baKHud arz-e-mohabbat aai jati hai
khule paDte hain arman zindagi sharmai jati hai
bulawe aa rahe hain manzilon ke sham se lekin
tamannaon ko in ki god mein nind aai jati hai
wo aae hain tasalli ke liye lekin ye aalam hai
nigahen nam hain lau aawaz ki tharrai jati hai
dimagh-o-dil ki sari kashmakash bekar-o-la-hasil
nashe ki tarah us ki yaad sab par chhai jati hai
nahin kuchh tere bais ye udasi bad-guman mat ho
jahan jata hun mere sath ye tanhai jati hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
