zabt ke qafile phir bhi rahon mein the

zabt ke qāfile phir bhī rāhoñ meñ the

ḳhvāb āñkhoñ meñ thā aap bāñhoñ meñ the

koī bichhḌā to phir hasbunallah kahā

ġham ke maare tirī bārgāhoñ meñ the

jheltā kis tarah hākim-e-shahr ġham

tiir ashkoñ meñ the tanz aahoñ meñ the

is liye bhī nahīñ jiit paayā kabhī

maat ke mashvare ḳhair-ḳhvāhoñ meñ the

ishq ke dar pe vaarī ga.iiñ azmateñ

kitne dāman-darīda bhī shāhoñ meñ the

yā-ḳhudā terī jannat to apnī jagah

kuchh maze bhī to the jo gunāhoñ meñ the

maañ ne jaate hue thā kahā ḳhair ho

phir jahāñ bhī ga.e ham panāhoñ meñ the

dekhnā un kā 'e.ajāz' hai varna ham

raushnī meñ khaḌe rū-siyāhoñ meñ the

zabt ke qafile phir bhi rahon mein the

KHwab aankhon mein tha aap banhon mein the

koi bichhDa to phir hasbunallah kaha

gham ke mare teri bargahon mein the

jhelta kis tarah hakim-e-shahr gham

tir ashkon mein the tanz aahon mein the

is liye bhi nahin jit paya kabhi

mat ke mashware KHair-KHwahon mein the

ishq ke dar pe wari gain azmaten

kitne daman-darida bhi shahon mein the

ya-KHuda teri jannat to apni jagah

kuchh maze bhi to the jo gunahon mein the

man ne jate hue tha kaha KHair ho

phir jahan bhi gae hum panahon mein the

dekhna un ka 'eajaz' hai warna hum

raushni mein khaDe ru-siyahon mein the