zabt ko aazma ke dekhenge

zabt ko aazmā ke dekheñge

dard meñ muskurā ke dekheñge

umr kyoñ rā.egāñ ho shikvoñ meñ

shukr meñ sar jhukā ke dekheñge

jis ko jalvat meñ kho diyā ham ne

us ko ḳhalvat meñ pā ke dekheñge

hasrateñ bujh rahī haiñ āñkhoñ meñ

ḳhuuñ kī sham.eñ jalā ke dekheñge

jis kī tasvīr-e-kun haiñ ye aalam

us musavvir ke ḳhāke dekheñge

mere dil meñ sañbhal ke aa.eñ aap

har qadam par dhamāke dekheñge

zindagī jaise pyaas sahrā kī

ham ajal se nibhā ke dekheñge

zabt ko aazma ke dekhenge

dard mein muskura ke dekhenge

umr kyon raegan ho shikwon mein

shukr mein sar jhuka ke dekhenge

jis ko jalwat mein kho diya hum ne

us ko KHalwat mein pa ke dekhenge

hasraten bujh rahi hain aankhon mein

KHun ki shamen jala ke dekhenge

jis ki taswir-e-kun hain ye aalam

us musawwir ke KHake dekhenge

mere dil mein sanbhal ke aaen aap

har qadam par dhamake dekhenge

zindagi jaise pyas sahra ki

hum ajal se nibha ke dekhenge