zahe nasib ki imkan-e-zist ab tak hai

zahe nasīb ki imkān-e-zīst ab tak hai

tumhārā hijr hī unvān-e-zīst ab tak hai

kise paḌī hai jo aa kar sune kahānī mirī

mire vujūd pe bohtān-e-zīst ab tak hai

bahut hī dīdanī manzar thā merī vahshat kā

tabhī se chaak garebān-e-zīst ab tak hai

mohabbatoñ meñ azal se sabhī ne ġham hī sahā

mohabbatoñ meñ to nuqsān-e-zīst ab tak hai

nikālā jis ko baġhāvat pe thā qabīle ne

nahīñ marā vo to mehmān-e-zīst ab tak hai

kahāñ mileñge sañvāreñge ek duuje ko

tirī talab mujhe daurān-e-zīst ab tak hai

abhī qalam bhī hai baaqī mire ye misre bhī

mirī to kuTiyā meñ sāmān-e-zīst ab tak hai

kabhī bhī yaad musībat meñ ġhair ko na kiyā

mirā ḳhudā hī nigahbān-e-zīst ab tak hai

zahe nasib ki imkan-e-zist ab tak hai

tumhaara hijr hi unwan-e-zist ab tak hai

kise paDi hai jo aa kar sune kahani meri

mere wujud pe bohtan-e-zist ab tak hai

bahut hi didani manzar tha meri wahshat ka

tabhi se chaak gareban-e-zist ab tak hai

mohabbaton mein azal se sabhi ne gham hi saha

mohabbaton mein to nuqsan-e-zist ab tak hai

nikala jis ko baghawat pe tha qabile ne

nahin mara wo to mehman-e-zist ab tak hai

kahan milenge sanwarenge ek duje ko

teri talab mujhe dauran-e-zist ab tak hai

abhi qalam bhi hai baqi mere ye misre bhi

meri to kuTiya mein saman-e-zist ab tak hai

kabhi bhi yaad musibat mein ghair ko na kiya

mera KHuda hi nigahban-e-zist ab tak hai