zahr de kar mujhe sine se lagane wale

zahr de kar mujhe siine se lagāne vaale

kitne ma.asūm haiñ dil toḌ ke jaane vaale

lab pe mere jo tabassum kabhī dikh jaatā hai

baat kyā kyā na banāte haiñ zamāne vaale

har chamaktī huī shai pe na luTānā jazbāt

pyaar karte nahīñ sab log lubhāne vaale

jabki har chiiz kī chorī kī sajā hotī hai

jaan ban jaate haiñ kyoñ dil ko churāne vaale

rūThnā ho jo kisī se to samajh lenā ye baat

ab kahāñ milte haiñ minnat se manāne vaale

bārhā pūchh ke ahvāl mirā jaane kyoñ

zaḳhm ko chheḌ hī jaate hai zamāne vaale

jab bhī ik choT na.ī dil pe lagātā hai koī

yaad aate haiñ mujhe dard purāne vaale

zahr de kar mujhe sine se lagane wale

kitne masum hain dil toD ke jaane wale

lab pe mere jo tabassum kabhi dikh jata hai

baat kya kya na banate hain zamane wale

har chamakti hui shai pe na luTana jazbaat

pyar karte nahin sab log lubhane wale

jabki har chiz ki chori ki saja hoti hai

jaan ban jate hain kyon dil ko churane wale

ruThna ho jo kisi se to samajh lena ye baat

ab kahan milte hain minnat se manane wale

barha puchh ke ahwal mera jaane kyon

zaKHm ko chheD hi jate hai zamane wale

jab bhi ek choT nai dil pe lagata hai koi

yaad aate hain mujhe dard purane wale