zahr ko mai dil-e-sad-para ko mina na kaho

zahr ko mai dil-e-sad-pāra ko miinā na kaho

daur aisā hai ki piine ko bhī piinā na kaho

na batāo ki tabassum bhī hai ik zaḳhm kā naam

chaak hai kis liye insān kā siina na kaho

kam-nigāhoñ kā hai farmān ki ai dīda-varo

kis liye tum ko milā dīda-e-bīnā na kaho

rakh do ilzām kisī mauja-e-māsūm ke sar

nā-ḳhudāoñ ne Duboyā hai safīna na kaho

har nafas maut kī baḳhshī huī mohlat jaise

koī jiinā hai ye jiinā ise jiinā na kaho

ye to fankār kī mehnat kā sila hai yaaro

mere māthe ke pasīne ko pasīnā na kaho

sañg-rezoñ ko kahīñ Thes na lag jaa.e 'shamīm'

maslahat hai ki nagīne ko nagīna na kaho

zahr ko mai dil-e-sad-para ko mina na kaho

daur aisa hai ki pine ko bhi pina na kaho

na batao ki tabassum bhi hai ek zaKHm ka nam

chaak hai kis liye insan ka sina na kaho

kam-nigahon ka hai farman ki ai dida-waro

kis liye tum ko mila dida-e-bina na kaho

rakh do ilzam kisi mauja-e-masum ke sar

na-KHudaon ne Duboya hai safina na kaho

har nafas maut ki baKHshi hui mohlat jaise

koi jina hai ye jina ise jina na kaho

ye to fankar ki mehnat ka sila hai yaro

mere mathe ke pasine ko pasina na kaho

sang-rezon ko kahin Thes na lag jae 'shamim'

maslahat hai ki nagine ko nagina na kaho