zaKHm ka marham dard ka apne darman bech ke aae hain

zaḳhm kā marham dard kā apne darmāñ bech ke aa.e haiñ

ham lamhoñ kā saudā kar ke sadiyāñ bech ke aa.e haiñ

bikne par jab aa hī ga.e the ūñche mol to bikte ham

ham ko hamāre rahbar lekin arzāñ bech ke aa.e haiñ

meñh kyuuñ barse ḳhushk zamīñ par kaise ho maqbūl-e-duā

jab ḳhud bārish māñgne vaale nadiyāñ bech ke aa.e haiñ

bhuuk kī ye shiddat bhī āḳhir kyā se kyā kar detī hai

majbūran kal bachchoñ kī ham guḌiyāñ bech ke aa.e haiñ

zaKHm ka marham dard ka apne darman bech ke aae hain

hum lamhon ka sauda kar ke sadiyan bech ke aae hain

bikne par jab aa hi gae the unche mol to bikte hum

hum ko hamare rahbar lekin arzan bech ke aae hain

meinh kyun barse KHushk zamin par kaise ho maqbul-e-dua

jab KHud barish mangne wale nadiyan bech ke aae hain

bhuk ki ye shiddat bhi aaKHir kya se kya kar deti hai

majburan kal bachchon ki hum guDiyan bech ke aae hain