zaKHm sine pe laga aankh se aansu nikle

zaḳhm siine pe lagā aañkh se aañsū nikle

ġham kī aahaT se ka.ī dard ke aahū nikle

halqa-e-reg-e-ravāñ dasht ke dariyā kā bhañvar

vahshat-e-dil ke safīne meñ agar tū nikle

bad-gumānī kī nigāhoñ se jo dekhā hai tujhe

terī har baat meñ sau tarah ke pahlū nikle

mahak uTThe ye bayābāñ bhī gulistāñ kī tarah

qaid-e-gulzār se āzād jo ḳhushbū nikle

is kaḌī dhuup meñ thā kis ko safar kā yaarā

har qadam sāya-kunāñ kākul-o-gesū nikle

sehr gul-kārī-e-ehsās kā baa.is haiñ 'nadīm'

dil meñ jo tiir ġham-e-jāñ ke tarāzū nikle

zaKHm sine pe laga aankh se aansu nikle

gham ki aahaT se kai dard ke aahu nikle

halqa-e-reg-e-rawan dasht ke dariya ka bhanwar

wahshat-e-dil ke safine mein agar tu nikle

bad-gumani ki nigahon se jo dekha hai tujhe

teri har baat mein sau tarah ke pahlu nikle

mahak uTThe ye bayaban bhi gulistan ki tarah

qaid-e-gulzar se aazad jo KHushbu nikle

is kaDi dhup mein tha kis ko safar ka yara

har qadam saya-kunan kakul-o-gesu nikle

sehr gul-kari-e-ehsas ka bais hain 'nadim'

dil mein jo tir gham-e-jaan ke taraazu nikle