zaKHm tumhaare bhar jaenge thoDi der lagegi

zaḳhm tumhāre bhar jā.eñge thoḌī der lagegī

be-sabrī se kaam liyā to aur bhī der lagegī

sāhab aaj to apnā kaam karā ke jā.eñge ham

saarī sharteñ puurī haiñ phir kaisī der lagegī

yuuñ behāl na ho ai dil bas aate hī hoñge vo

kal bhī der lagī thī un ko aaj bhī der lagegī

siikh liyā hai maiñ ne apne aap se bāteñ karnā

fikr nahīñ un ko aane meñ kitnī der lagegī

kaun ruke ab us ke dar par shaam huī ghar jaa.eñ

itnā zarūrī kaam nahīñ hai jitnī der lagegī

itnī der meñ kuchh ke kuchh ho jā.eñge hālāt

ḳhat likhne se ḳhat milne tak jitnī der lagegī

mār-gazīda kaun bachā hai 'bāsir' shukr karo tum

Thiik bhī ho jāoge lekin ḳhāsī der lagegī

zaKHm tumhaare bhar jaenge thoDi der lagegi

be-sabri se kaam liya to aur bhi der lagegi

sahab aaj to apna kaam kara ke jaenge hum

sari sharten puri hain phir kaisi der lagegi

yun behaal na ho ai dil bas aate hi honge wo

kal bhi der lagi thi un ko aaj bhi der lagegi

sikh liya hai main ne apne aap se baaten karna

fikr nahin un ko aane mein kitni der lagegi

kaun ruke ab us ke dar par sham hui ghar jaen

itna zaruri kaam nahin hai jitni der lagegi

itni der mein kuchh ke kuchh ho jaenge haalat

KHat likhne se KHat milne tak jitni der lagegi

mar-gazida kaun bacha hai 'basir' shukr karo tum

Thik bhi ho jaoge lekin KHasi der lagegi