zaKHmon se mera jism yahan chur-chur tha

zaḳhmoñ se merā jism yahāñ chūr-chūr thā

ehsās mere karb kā us ko zarūr thā

patthar uchhāltā rahā har ek kī taraf

kyā jaane kis ḳhayāl kā us ko ġhurūr thā

dil bhī dhaḌak rahā thā gunahgār kī tarah

jaise koī subūt bhī pesh-e-huzūr thā

lagtā hai merī baat se vo bhī qarīb-tar

hālāñki dekhne meñ bahut dūr-dūr thā

kyā jaane kis ḳhayāl se vo chup rahā magar

iz.hār-e-hāl-e-dard bhī lekin zarūr thā

ab us kī zaat meñ ho koī baat to 'nazar'

pahle to us ke rabt meñ kitnā surūr thā

zaKHmon se mera jism yahan chur-chur tha

ehsas mere karb ka us ko zarur tha

patthar uchhaalta raha har ek ki taraf

kya jaane kis KHayal ka us ko ghurur tha

dil bhi dhaDak raha tha gunahgar ki tarah

jaise koi subut bhi pesh-e-huzur tha

lagta hai meri baat se wo bhi qarib-tar

haalanki dekhne mein bahut dur-dur tha

kya jaane kis KHayal se wo chup raha magar

izhaar-e-haal-e-dard bhi lekin zarur tha

ab us ki zat mein ho koi baat to 'nazar'

pahle to us ke rabt mein kitna surur tha