zamane teri KHatir dekh ye kya kar liya maine

zamāne terī ḳhātir dekh ye kyā kar liyā maiñ ne

ki vo be-parda aa.e aur parda kar liyā maiñ ne

nigāhoñ se kisī kī dil kā saudā kar liyā maiñ ne

ġhamoñ kī bhiiḌ meñ bhī ḳhud ko tanhā kar liyā maiñ ne

koī dekhe mirī dīvāngī-e-shauq kā aalam

ki un ko sāmne biThlā ke sajda kar liyā maiñ ne

numā.ish se bhī zaḳhm-e-dil kī hāsil kuchh nahīñ 'naġhmī'

ḳhudā.ī meñ butoñ kī ḳhud ko rusvā kar liyā maiñ nai

zamane teri KHatir dekh ye kya kar liya main ne

ki wo be-parda aae aur parda kar liya main ne

nigahon se kisi ki dil ka sauda kar liya main ne

ghamon ki bhiD mein bhi KHud ko tanha kar liya main ne

koi dekhe meri diwangi-e-shauq ka aalam

ki un ko samne biThla ke sajda kar liya main ne

numaish se bhi zaKHm-e-dil ki hasil kuchh nahin 'naghmi'

KHudai mein buton ki KHud ko ruswa kar liya main nai