zamin bech ke tare basana chahte hain

zamīn bech ke taare basānā chāhte haiñ

ye kaun log ḳhalāoñ meñ jaanā chāhte haiñ

kabhī vo sher kahā kartā thā hamāre liye

ham us ke sher usī ko sunānā chāhte haiñ

vo chāhe jhuuT meñ iqrār to kare ik baar

ham us ke jhuuT pe īmān laanā chāhte haiñ

ham us kī aañkh meñ rah kar bhī āñsuoñ meñ rahe

jise ham apnī ragoñ meñ samānā chāhte haiñ

hameñ ḳhabar hai ye duniyā tabāh kar deñge

ham aise logoñ kā shajara batānā chāhte haiñ

ye dost dost nahīñ haiñ ye dil ke kaale log

munāfiqīn hameñ āzmānā chāhte haiñ

hamāre naam pe sāñsoñ ko thāmne vaale

hamāre ḳhvāb bhī 'bushrā' bhulānā chāhte haiñ

zamin bech ke tare basana chahte hain

ye kaun log KHalaon mein jaana chahte hain

kabhi wo sher kaha karta tha hamare liye

hum us ke sher usi ko sunana chahte hain

wo chahe jhuT mein iqrar to kare ek bar

hum us ke jhuT pe iman lana chahte hain

hum us ki aankh mein rah kar bhi aansuon mein rahe

jise hum apni ragon mein samana chahte hain

hamein KHabar hai ye duniya tabah kar denge

hum aise logon ka shajara batana chahte hain

ye dost dost nahin hain ye dil ke kale log

munafiqin hamein aazmana chahte hain

hamare nam pe sanson ko thamne wale

hamare KHwab bhi 'bushra' bhulana chahte hain