zamin ke sath falak ke safar mein hum bhi hain

zamīñ ke saath falak ke safar meñ ham bhī haiñ

qafas-nasīb sahī bāl-o-par meñ ham bhī haiñ

vahīñ se luuT ga.ī rāstoñ kī tanhā.ī

jahāñ pe us ne ye jaanā safar meñ ham bhī haiñ

to vo shajar jo sadā barg-o-bār detā hai

misāl-e-āb-e-nihāñ is shajar meñ ham bhī haiñ

jise kahīñ se samundar ne lā ke pheñk diyā

tumhāre saath ik aise hī ghar meñ ham bhī haiñ

kitāb the to paḌhe jā sake na duniyā se

lo ab charāġh hue rahguzar meñ ham bhī haiñ

ḳhayāl aag hai sho.ala hai fikr lau alfāz

ye sab hunar haiñ to phir is hunar meñ ham bhī haiñ

'matīn' shahr bhī sahrā-nazhād hai itnā

ki sang-o-ḳhisht meñ dīvār-o-dar meñ ham bhī haiñ

zamin ke sath falak ke safar mein hum bhi hain

qafas-nasib sahi baal-o-par mein hum bhi hain

wahin se luT gai raston ki tanhai

jahan pe us ne ye jaana safar mein hum bhi hain

to wo shajar jo sada barg-o-bar deta hai

misal-e-ab-e-nihan is shajar mein hum bhi hain

jise kahin se samundar ne la ke phenk diya

tumhaare sath ek aise hi ghar mein hum bhi hain

kitab the to paDhe ja sake na duniya se

lo ab charagh hue rahguzar mein hum bhi hain

KHayal aag hai shoala hai fikr lau alfaz

ye sab hunar hain to phir is hunar mein hum bhi hain

'matin' shahr bhi sahra-nazhad hai itna

ki sang-o-KHisht mein diwar-o-dar mein hum bhi hain