zamin khinchti hai gagan khinchta hai

zamīñ khīñchtī hai gagan khīñchtā hai

tujhe ai musāfir kafan khīñchtā hai

guzartī hai ab zindagī aise jaise

khilāḌī bahut tez ran khīñchtā hai

ye baḌhtī huī 'umr kahtī hai mujh se

tujhe apnī jānib kafan khīñchtā hai

koī raam hai rah rahā mere andar

jise tere andar kā ban khīñchtā hai

uThānā thā sonā uThātā hai miTTī

'amal khīñchnā thā tū dhan khīñchtā hai

sikuḌtī chalī jā rahī hai vo ḳhud meñ

koī dhīre dhīre ribbon khīñchtā hai

ki chumbak koī jaise khīñche hai lohā

tirā lams aise dukhan khīñchtā hai

maiñ dariyā meñ yuuñ bhī utartā nahīñ huuñ

koī merā tah meñ badan khīñchtā hai

zamin khinchti hai gagan khinchta hai

tujhe ai musafir kafan khinchta hai

guzarti hai ab zindagi aise jaise

khilaDi bahut tez ran khinchta hai

ye baDhti hui 'umr kahti hai mujh se

tujhe apni jaanib kafan khinchta hai

koi ram hai rah raha mere andar

jise tere andar ka ban khinchta hai

uThana tha sona uThata hai miTTi

'amal khinchna tha tu dhan khinchta hai

sikuDti chali ja rahi hai wo KHud mein

koi dhire dhire ribbon khinchta hai

ki chumbak koi jaise khinche hai loha

tera lams aise dukhan khinchta hai

main dariya mein yun bhi utarta nahin hun

koi mera tah mein badan khinchta hai