zamin ki kokh se pahle shajar nikalta hai
zamin ki kokh se pahle shajar nikalta hai
Arshad Mahmood Arshad
MORE BYArshad Mahmood Arshad
zamīñ kī kokh se pahle shajar nikāltā hai
vo us ke ba.ad parindoñ ke par nikāltā hai
shab-e-siyāh meñ jugnū bhī ik ġhanīmat hai
zarā sā hausla andar kā Dar nikāltā hai
ki būḌhe peḌ ke tevar badalne lagte haiñ
kahīñ jo ghaas kā tinkā bhī sar nikāltā hai
phir us ke ba.ad hī detā hai kaam kī ujrat
hamāre ḳhuun se pahle vo zar nikāltā hai
vazīfa tujh ko batātā huuñ ek chāhat kā
jo qasr-e-zāt se nafrat kā shar nikāltā hai
kahānī likhtā hai aise ki us kā har kirdār
nikalnā koī na chāhe magar nikāltā hai
maiñ aise shaḳhs se 'arshad' gurez kaise karūñ
fasīl-e-dil meñ jo dastak se dar nikāltā hai
zamin ki kokh se pahle shajar nikalta hai
wo us ke baad parindon ke par nikalta hai
shab-e-siyah mein jugnu bhi ek ghanimat hai
zara sa hausla andar ka Dar nikalta hai
ki buDhe peD ke tewar badalne lagte hain
kahin jo ghas ka tinka bhi sar nikalta hai
phir us ke baad hi deta hai kaam ki ujrat
hamare KHun se pahle wo zar nikalta hai
wazifa tujh ko batata hun ek chahat ka
jo qasr-e-zat se nafrat ka shar nikalta hai
kahani likhta hai aise ki us ka har kirdar
nikalna koi na chahe magar nikalta hai
main aise shaKHs se 'arshad' gurez kaise karun
fasil-e-dil mein jo dastak se dar nikalta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
