zamin kuchh falak ko batane lagi hai

zamīñ kuchh falak ko batāne lagī hai

dhanak rañg ke giit gaane lagī hai

hai phailā ye har samt kaisā ujālā

dabe paaoñ shab jaise jaane lagī hai

ye bārish kī būñdeñ fazāoñ meñ uḌ kar

sitāroñ kī lau ko bujhāne lagī hai

vo sāhil pe jo apne naqsh-e-qadam the

unheñ ġham kī lahreñ miTāne lagī hai

ye pattoñ kī bāteñ daraḳhtoñ kī aaheñ

havā.eñ bhī qisse sunāne lagī hai

zamin kuchh falak ko batane lagi hai

dhanak rang ke git gane lagi hai

hai phaila ye har samt kaisa ujala

dabe paon shab jaise jaane lagi hai

ye barish ki bunden fazaon mein uD kar

sitaron ki lau ko bujhane lagi hai

wo sahil pe jo apne naqsh-e-qadam the

unhen gham ki lahren miTane lagi hai

ye patton ki baaten daraKHton ki aahen

hawaen bhi qisse sunane lagi hai