zamin mein ya darun-e-asman hun

zamīñ meñ yā darūn-e-āsmāñ huuñ

mujhe DhūñDo to āḳhir maiñ kahāñ huuñ

añdhere to nigal jaa.eñ mujhe bhī

maiñ lākhoñ jugnuoñ ke darmiyāñ huuñ

mirī yaḳh-bastagī ik maslahat hai

maiñ sho'la sho'la huuñ ātish-fishāñ huuñ

hai ik vīrāñ jazīra merā maskan

maiñ apne raaz kā ḳhud rāzdāñ huuñ

mirī taḳhlīq-karda kuchh fasīleñ

javānib meñ haiñ aur maiñ darmiyāñ huuñ

maiñ ḳhud hī apnī kashtī apnā dariyā

maiñ ḳhud hī nāḳhudā huuñ bādbāñ huuñ

maiñ apnī dhun meñ ik jharne ke jaisā

maiñ apnī rau meñ ik mauj-e-ravāñ huuñ

hai mere haath meñ teġh-e-muqaddar

hisār-e-kusht-o-ḳhūñ ke darmiyāñ huuñ

abhī tak maiñ ġhubār-e-kārvāñ thā

magar ab maiñ amīr-e-kārvāñ huuñ

mire atrāf meñ mashkūk haiñ sab

akelā mo'tabar maiñ hī yahāñ huuñ

maiñ ḳhud hī lashkar-e-jarrār apnā

maiñ ḳhud apnā 'alam apnā nishāñ huuñ

zamin mein ya darun-e-asman hun

mujhe DhunDo to aaKHir main kahan hun

andhere to nigal jaen mujhe bhi

main lakhon jugnuon ke darmiyan hun

meri yaKH-bastagi ek maslahat hai

main sho'la sho'la hun aatish-fishan hun

hai ek viran jazira mera maskan

main apne raaz ka KHud raazdan hun

meri taKHliq-karda kuchh fasilen

jawanib mein hain aur main darmiyan hun

main KHud hi apni kashti apna dariya

main KHud hi naKHuda hun baadban hun

main apni dhun mein ek jharne ke jaisa

main apni rau mein ek mauj-e-rawan hun

hai mere hath mein tegh-e-muqaddar

hisar-e-kusht-o-KHun ke darmiyan hun

abhi tak main ghubar-e-karwan tha

magar ab main amir-e-karwan hun

mere atraf mein mashkuk hain sab

akela mo'tabar main hi yahan hun

main KHud hi lashkar-e-jarrar apna

main KHud apna 'alam apna nishan hun