zamin par main udhar wo aasman par jagta hai

zamīñ par maiñ udhar vo āsmāñ par jāgtā hai

adhūrā chāñd mere saath aksar jāgtā hai

kabhī jo harf-e-haq merī zabāñ par jāgtā hai

sar-e-gardan mirī bātil kā ḳhanjar jāgtā hai

mire ashjār par jab bhī samar aane lage to

mire dil meñ kisī tūfān kā Dar jāgtā hai

mire atrāf meñ ik hū kā 'ālam hai musalsal

magar ye shor kaisā mere andar jāgtā hai

lagā kar pankh uḌ jaatī hai niiñd āñkhoñ se merī

tirā chehrā jo āñkhoñ meñ utar kar jāgtā hai

tumhārī raah takte takte furqat kī shaboñ meñ

agar so jaa.eñ āñkheñ to mirā dar jāgtā hai

kisī bhī rut meñ terā barf-e-dil pighlā nahīñ hai

ki tujh meñ mustaqil koī december jāgtā hai

koī fōtpath par sotā hai be-fikrī se 'sāgar'

koī phūloñ ke bistar par bhī shab-bhar jāgtā hai

zamin par main udhar wo aasman par jagta hai

adhura chand mere sath aksar jagta hai

kabhi jo harf-e-haq meri zaban par jagta hai

sar-e-gardan meri baatil ka KHanjar jagta hai

mere ashjar par jab bhi samar aane lage to

mere dil mein kisi tufan ka Dar jagta hai

mere atraf mein ek hu ka 'alam hai musalsal

magar ye shor kaisa mere andar jagta hai

laga kar pankh uD jati hai nind aankhon se meri

tera chehra jo aankhon mein utar kar jagta hai

tumhaari rah takte takte furqat ki shabon mein

agar so jaen aankhen to mera dar jagta hai

kisi bhi rut mein tera barf-e-dil pighla nahin hai

ki tujh mein mustaqil koi december jagta hai

koi footpath par sota hai be-fikri se 'sagar'

koi phulon ke bistar par bhi shab-bhar jagta hai