zamin pe jab bhi kisi parsa ko dukh hoga

zamīñ pe jab bhī kisī pārsā ko dukh hogā

ḳhudā gavāh hai ḳhalq-e-ḳhudā ko dukh hogā

vafā ke naam pe ai shaḳhs bevafā.ī na kar

hamārī ḳhair hai lekin vafā ko dukh hogā

jalā rahā thā charāġhoñ ko band kamroñ meñ

vo jāntā thā ki aise havā ko dukh hogā

jahāñ vo baiThegā kahlā.egī vo jā-e-nafīs

aur ās-pās kī saarī jagah ko dukh hogā

maiñ mushkilāt meñ huuñ par ḳhudā ko ilm na ho

mujhe patā hai ki mere ḳhudā ko dukh hogā

kuchh achchhe log faqat is liye bhī lauT ga.e

unheñ lagā thā ki shāyad qazā ko dukh hogā

zamin pe jab bhi kisi parsa ko dukh hoga

KHuda gawah hai KHalq-e-KHuda ko dukh hoga

wafa ke nam pe ai shaKHs bewafai na kar

hamari KHair hai lekin wafa ko dukh hoga

jala raha tha charaghon ko band kamron mein

wo jaanta tha ki aise hawa ko dukh hoga

jahan wo baiThega kahlaegi wo ja-e-nafis

aur aas-pas ki sari jagah ko dukh hoga

main mushkilat mein hun par KHuda ko ilm na ho

mujhe pata hai ki mere KHuda ko dukh hoga

kuchh achchhe log faqat is liye bhi lauT gae

unhen laga tha ki shayad qaza ko dukh hoga