zamin pe rahte hue kahkashan se milte hain

zamīñ pe rahte hue kahkashāñ se milte haiñ

hamāre rañg bhī ab āsmāñ se milte haiñ

hamāre haal kī bosīdgī pe mat jaao

ḳhazāne ab bhī purāne makāñ se milte haiñ

tirī qasam kā bhī ab kaise e'tibār kareñ

tire yaqīñ to hamāre gumāñ se milte haiñ

vafā ḳhulūs mohabbat hamārā hissa hai

har ek shaḳhs ko ye sab kahāñ se milte haiñ

gale na ham ko lagā.eñ ki aap jal jaa.eñ

hamāre zaḳhm bhī barq-e-tapāñ se milte haiñ

zamin pe rahte hue kahkashan se milte hain

hamare rang bhi ab aasman se milte hain

hamare haal ki bosidgi pe mat jao

KHazane ab bhi purane makan se milte hain

teri qasam ka bhi ab kaise e'tibar karen

tere yaqin to hamare guman se milte hain

wafa KHulus mohabbat hamara hissa hai

har ek shaKHs ko ye sab kahan se milte hain

gale na hum ko lagaen ki aap jal jaen

hamare zaKHm bhi barq-e-tapan se milte hain